Samaje niezvyčajnaje arnitałahičnaje nazirańnie 2022 hoda ŭ Biełarusi — dełaverskaja čajka Kajzierka
Dełaverskaja čajka pryznanaja samym niezvyčajnym arnitałahičnym nazirańniem 2022 hoda ŭ Biełarusi pavodle hałasavańnia Kłub200, paviedamlaje telehram-kanał «Dzikaja pryroda pobač». Ptuška hniazdujecca ŭ Paŭnočnaj Amierycy, adnak niekatoryja asobiny rehularna naviedvajuć Jeŭropu i navat zimujuć tam.
13.01.2023 / 23:12
Fota Iny Subocinaj
Pra vizit dełaverskaj čajki ŭ Biełaruś stała viadoma dziakujučy paviedamleńniu firmy Interrex — rings & telemetry, jakaja sočyć za pieramiaščeńniami čajki praz GPS-pieradatčyk.
Biełaruskaja arnitafaŭnistyčnaja kamisija zaćvierdziła rehistracyju na asnovie spadarožnikavych źviestak. Takim čynam, dełaverskaja čajka stała 341-m vidam u Śpisie ptušak Biełarusi.
U hetaj ptuški navat jość asabistaje imia — Kajzierka. Jana jaho atrymała ŭ Polščy, dzie adznačajecca na praciahu ŭžo 17 hadoŭ.
Fota Iny Subocinaj
Kajzierku akalcavali ŭ polskim horadzie Ščecinie ŭ 2005 hodzie. Tady ptušcy było bolš za 2 hady, a ciapier joj užo kala 20-ci.
Cikava, ci naviedaje Kajzierka Biełaruś sioleta?