Siarhiej Martynaŭ nakiravaŭsia ź vizitam u Brusiel

Zapłanavany pieramovy Martynava z Žakam Baro i Chaakinam Almunija.

21.10.2009 / 16:31

Ministr zamiežnych spraŭ Biełarusi Siarhiej Martynaŭ 21 kastryčnika nakiravaŭsia ź vizitam u Brusiel.

Jak paviedamlaje pres‑słužba MZS Biełarusi, u chodzie vizitu, jaki budzie doŭžycca pa 23 kastryčnika,

zapłanavany pieramovy Martynava z namieśnikam staršyni Jeŭrapiejskaj kamisii — jeŭrakamisaram pa svabodzie, biaśpiecy i pravasuddzi Žakam Baro i jeŭrakamisaram pa finansavych i ekanamičnych pytańniach Chaakinam Almunija.

Baki abmiarkujuć pierśpiektyvy spraščeńnia vizavaha režymu JES dla biełaruskich hramadzian, šlachi naroščvańnia supracoŭnictva ŭ halinie achovy miežaŭ i baraćby ź nielehalnaj mihracyjaj, aktyvizacyi kredytna‑inviestycyjnaha ŭzajemadziejańnia pamiž Biełarussiu i JES, paŭnacennaha vykarystańnia Biełarussiu mahčymaściej udziełu ŭ inicyjatyvie JES «Uschodniaje partniorstva».

BiełaPAN