Biełaruski Hajun: Vybuch nad paŭnočna-zachodniaj Biełaruśsiu byŭ źviazany z zaharańniem ruchavika rasijskaha MiH-31K
U rajonie 12 hadzin žychary Maładziečanskaha rajona Minskaj vobłaści čuli ŭ niebie mocny vybuch, mnohija pisali, što ad jaho zatreślisia šyby ŭ damach, jak u samim Maładziečnie, tak i ŭ pryharadzie.
19.01.2023 / 13:41
Pa danych manitorynhavaj hrupy «Biełaruski Hajun», roŭna ŭ hety čas, a dakładniej — u 11:59, nad rajonam Maładziečna ŭ źniščalnika MiH-31K VKS RF (RF-95194) adbyłosia ŭzharańnie adnaho z dvuch ruchavikoŭ, jakoje supravadžałasia hukam vybuchu — nasamreč heta byŭ huk pampažu ruchavika paśla ŭzharańnia.
U vyniku MiH-31K VKS RF (RF-95194) byŭ vymušany ekstranna zaviaršyć palot i viarnucca na aeradrom Mačuliščy.
U kancy śniežnia «Hajun» paviedamlaŭ, što jašče ŭ adnaho MiH-31K VKS RF hareŭ ruchavik u Mačuliščach.