Ministr infarmacyi nazvaŭ dvuchdzionnuju adsutnaść vady ŭ Pružanach drobnaj kamunalnaj prablemaj
Ministr infarmacyi Uładzimir Piarcoŭ ličyć, što «apanienty» nadajuć praźmiernuju ŭvahu drobnym kamunalnym prablemam, kab stvaryć niehatyŭny nastroj u hramadstvie.
19.01.2023 / 16:03
Uładzimir Piarcoŭ. Fota: BiełTA
Pra heta jon zajaviŭ na sustrečy z kalektyvami dziaržSMI i aktyvam horada padčas vizitu ŭ Navapołack.
U jakaści prykładu jon pryvioŭ situacyju z adklučeńniem vady ŭ Pružanach.
«Apanienty chajpujuć na drobnych temach. U pryvatnaści, razhojdvajucca, raździmajucca da niezdarovaha ŭzroŭniu kamunalnyja prablemy, situacyja sa škołami i dziciačymi sadami i inšyja. Adzin sa śviežych prykładaŭ — prablema vodazabieśpiačeńnia ŭ Pružanach. I heta jašče adzin sposab apanientaŭ stvaryć niehatyŭny nastroj u biełaruskim hramadstvie», — skazaŭ Piarcoŭ.
Prablemy z vadoj u Pružanach uźnikli ranicaj 16 studzienia. Pa ŭsim horadzie źnikła vada. Prablema była vyrašana tolki pad viečar 17 studzienia. Uvieś hety čas 20-tysiačny horad zastavaŭsia biez vady.