Kašal — nie adziny simptom. Voś što viadoma pra krakien, samy zarazny štam kavidu
Kaliści słovam «krakien» nazvali lehiendarnuju marskuju pačvaru, viadomuju pa apisańniach isłandskich marakoŭ. Ciapier ža hetaje słova vykarystoŭvajuć u suviazi z pandemijaj kavidu i nazyvajuć im novy štam chvaroby, supierzarazny, ale nie taki niebiaśpiečny, jak pieršyja štamy.
19.01.2023 / 21:08
Fota: Ng Han Guan / AP Photo
Krakien šyroka raspaŭsiudžany ŭ ZŠA i Kitai, chutka jon taksama moža stać daminujučym štamam kavidu ŭ Jeŭropie. Heta mutacyja štama amikron, viadomaja taksama pad nazvaj CHVV.1.5, piša gazeta.pl.
Siońnia krakien ličać samym zaraznym ź viadomych štamaŭ kavidu, ale vučonyja miarkujuć, što jon nie pryvodzić da bolš ciažkaj chvaroby, čym jaho papiaredniki. Tym nie mienš, krakien vydatna abychodzić imunnuju abaronu ad kavidu, jakaja mahła źjavicca ŭ čałavieka praz vakcynacyju ci pieraniesienuju chvarobu.
Toje, jak praciakaje zachvorvańnie, zaležyć ad mocy imunitetu čałavieka. Ludzi z dobrym imunitetam u niekatorych vypadkach mohuć navat chvareć bieśsimptomna, ale ŭ šmatlikich vypadkach zaražeńnie krakienam supravadžajecca nastupnymi simptomami:
- kašal, časam praciahły;
- haračka;
- parušeńnie niuchu ci smaku;
- achrypłaść;
- hałaŭny bol;
- bol u horle i muskułach;
- zadyška;
- zakładzienaść nosa;
- stomlenaść;
- strata apietytu;
- dyjareja.
Ciapier nieviadoma, nakolki vakcyna abaraniaje ad zaražeńnia krakienam. Tym nie mienš, najaŭnaść pryščepki źnižaje imaviernaść ciažkaha praciakańnia kavidu, kali čałaviek usio-taki zachvareŭ.
Jak śćviardžaje biełaruskaje Minzdaroŭja, pakul što ŭ našaj krainie nie było zafiksavana vypadkaŭ krakiena. Što, naturalna, nie aznačaje, što jaho ŭ nas niama.