За каментары затрымалі сцэнарыстку серыяла «Татавы дочкі»
Яна дапамагала ствараць сцэнары таксама для серыялаў «Івановы-Івановы» і «Мамулі».
25.01.2023 / 18:20
Юлія Грыцкевіч. Фота: сацсеткі
Юліі Грыцкевіч 39 гадоў, яна жыве ў Мінску. Вядома, што яна мае непаўналетнюю дачку.
Жанчына працуе для расійскай кампаніі Yellow Black & White, адной з найбуйнейшых вытворцаў рускамоўных серыялаў. Акрамя вышэйпералічаных серыялаў, гэта кампанія здымала яшчэ серыял «Кухня» і нашумелы фільм «Чабурашка», які стаў самым касавым фільмам у гісторыі Расіі і сабраў нечуваныя чэргі ў кінатэатрах Вілейкі.
Жанчыну абвінавачваюць у тым, што яна пакідала каментары ў розных чатах, якія нібыта «распальвалі варожасць да рускіх» і «сілавікоў».