Jeŭrapiejski alimpijski kamitet paćvierdziŭ niadopusk spartsmienaŭ Biełarusi i Rasii da Jeŭrapiejskich hulniaŭ u Krakavie
II Jeŭrapiejskija hulni projduć u červieni, paviedamiŭ Jeŭrapiejski alimpijski kamitet (JEAK).
27.01.2023 / 12:13
Na adkryćci hulniaŭ u červieni 2019 hoda ŭ Minsku
Zhadžajučysia z rašeńniem Mižnarodnaha alimpijskaha kamiteta ab piersanalnym padychodzie da dopusku da mižnarodnych spabornictvaŭ spartsmienaŭ ź Biełarusi i RF, JEAK padkreśliŭ, što «lubyja mahčymyja rašeńni» «nie buduć tyčycca Jeŭrapiejskich hulniaŭ — 2023 hoda», paviedamlaje telehram-kanał «Pozirk».
U listapadzie 2022 hoda było zajaŭlena, što «taki ŭdzieł niemahčymy ŭ ciapierašnich umovach».
Vykanaŭčy kamitet MAK 25 studzienia paćvierdziŭ sankcyi ŭ dačynieńni da Biełarusi i Rasii, uviedzienyja raniej praz vajnu suprać Ukrainy. Ale prapanavaŭ indyvidualny padychod da spartsmienaŭ.
Nahadajem, što ŭ 2019 hodzie Jeŭrapiejskija hulni z razmacham prajšli ŭ Minsku.