Što z ałkaholu letaś čaściej pili biełarusy — statystyka
Statystyka pakazvaje, što biełarusy stali kuplać mieniej harełki, ale «pryraśli» ŭ inšych napojach, piša Myfin.by.
29.01.2023 / 09:56
Nacyjanalny statystyčny kamitet apublikavaŭ infarmacyju ab prodažy asobnych tavaraŭ u krainie ŭ 2022 hodzie.
Letaś arhanizacyjami handlu realizavana ałkaholnych napojaŭ i piva na 5,2 młrd rubloŭ, što ŭ roźničnym tavaraabarocie arhanizacyj handlu skłała 8,2%.
Prodaž harełki skaraciŭsia na 0,8% u paraŭnańni z 2021 hodam, piva — na 1%, vinahradnych vinaŭ — na 7,7%, pładovych — na 9,5%, pienistych vinaŭ, uklučajučy šampanskaje — na 4,6%.
Zatoje pavialičyŭsia prodaž nastupnych ałkaholnych napojaŭ:
— napoi słabaałkaholnyja (+34,5%);
— likiory i likiora-harełačnyja vyraby (+14,5%);
— kańjak, kańjačnyja napoi i brendzi (+8,0%).