Makron nie vyklučyŭ, što Ukrainie pieradaduć źniščalniki
Prezident Francyi Emaniuel Makron zajaviŭ, što nie vyklučaje adpraŭki źniščalnikaŭ va Ukrainu, ale pieraściaroh ad ryzyki eskałacyi kanfliktu, piša France24.
30.01.2023 / 23:04
Emaniuel Makron z Markam Rute. Fota: AP Photo/Peter Dejong
«Ništo nie vyklučana ŭ pryncypie», — skazaŭ Makron paśla pieramoŭ z premjer-ministram Niderłandaŭ Markam Rute, adkazvajučy na pytańnie ab mahčymaści pastavak źniščalnikaŭ va Ukrainu.
Prezident Francyi adznačyŭ, što pastaŭki ŭzbrajeńniaŭ Ukrainie dapuščalnyja, kali jany «nie pryviaduć da eskałacyi» i «nie buduć vykarystoŭvacca na terytoryi Rasii, a vyklučna dla samaabarony».
Akramia taho, jon dadaŭ, što lubyja pastaŭki zbroi «nie pavinny asłablać bajazdolnaść francuzskich Uzbrojenych sił».