Kudy padzieŭsia Łukašenka? Jon nie viarnuŭsia ŭ Biełaruś / Łaŭroŭ pahražaje Małdovie / Pieratrusy ŭ aliharchaŭ i čynoŭnikaŭ. Hladzicie VIDEAnaviny za 2 lutaha
Hałoŭnyja naviny čaćviarha — u našym VIDEA!
02.02.2023 / 20:16
Alaksandr Łukašenka vylecieŭ ź Zimbabve, ale ŭ Biełaruś tak i nie viarnuŭsia. Jon znoŭ prylacieŭ u Arabskija Emiraty. Razam ź im starejšy syn, Viktar Łukašenka. Advakat Vital Brahiniec atrymaŭ termin u kałonii. Instabłohierka Kaciaryna Čareška biehaje ŭ kupalniku pa zimovym Minsku. Novy klip Kaciaryny Vadanosavaj: vals u honar paŭstańnia Kastusia Kalinoŭskaha. Va Ukrainie pieratrusy ŭ aliharchaŭ i čynoŭnikaŭ: siłaviki pryjšli da Ihara Kałamojskaha i Arsena Avakava. A ŭ namieśnika ministra abarony Ukrainy znajšli miljon dalaraŭ u kanapie. Pucin pryjechaŭ u Vałhahrad. Horad pierajmienavali na dzień u Stalinhrad i adkryli pomniki Iosifu Stalinu i maršału Hieorhiju Žukavu. Ministr zamiežnych spraŭ Rasii Siarhiej Łaŭroŭ pahražaje Małdovie: «ź jaje chočuć zrabić novuju antyrasiju». Pucin choča zachapić Danieckuju i Łuhanskuju vobłaści da sakavika. Tym časam bambiać Kramatorsk: rasijskaja rakieta znoŭ trapiła ŭ žyły dom. Hrupa «Vahnier» vychvalajecca zachopam biaźludnaha siała. Va Ukrainie sudzili biełarusa, jaki vajavaŭ na baku Rasii, u PVK «Redut».