Rysiam i karakałam u Minskim zaaparku zładzili navasielle
Katy ŭ zaaparku abžyvajucca ŭ novym žylli, paviedamlaje Blizko.by
06.02.2023 / 15:35
Jany znajomiacca z całkam novym žyllom, raźmieščanym na «staroj» terytoryi zaaparka. Ciapier susiedzi mohuć pazajzdrościć ich raskošnym apartamientam: kožnaj pary dastałasia paŭnavartasnaja trochpakajovaja «kvatera».
Novyja valjery kudy bolšyja za staryja — ciapier u kožnaj žyvioły ŭłasny pakoj, a dla «pramienadu» param prapanujecca prastorny vyhuł. Pakul źviary naściarožana vyvučajuć novuju terytoryju, ale ŭ zaaparku ŭpeŭnienyja, što novaje žyllo im spadabajecca.
Novyja prastornyja valjery majuć pieravahu i dla naviedvalnikaŭ — jany dobra prahladajucca, žyvioły hladziacca vielmi efiektna. U administracyi Minskaha zaaparka zaprašajuć naviedać raźmieščanuju na bierazie Śvisłačy ŭstanovu i palubavacca katami.
Ale papiaredžvajuć — u chałodnaje nadvorje ciepłalubivyja karakały siadziać u pakojach, dzie ŭ ich ciopłyja padłohi. A pakolki na tydni paciapleńnia ŭ stalicy čakać nie davodzicca, to i vizit u zaapark lepš adkłaści.