Usievaład Ścieburaka. Čas, jaki nie pryjšoŭ. Vierš
Usievaład Ścieburaka apublikavaŭ u fejsbuku novy vierš.
09.02.2023 / 12:13
Hasim śviečy i lampy
— u łožak — by na spačyn.
Znoŭku i znoŭku nam śnicca
toj nieadužany čyn.
Pryvidnyja razmovy
ŭzhadvać paśla darma
— kožnaje nočy nam śniacca
ludzi, jakich niama.
Pozirk vačej i dumka,
što pracinaje naskroź
— kožnaje nočy nam śnicca
ščaście, jakomu nie los.
Cicha rypić akanica,
dychaje ciemra z bakoŭ.
Doŭha nam budzie śnicca
čas, jaki nie pryjšoŭ.