Akcior Alaksandr Filipienka źjechaŭ z Rasii
Ciapier jon žyvie ŭ Vilni.
11.02.2023 / 11:15
13 studzienia Alaksandr Filipienka braŭ udzieł u viečarynie biełaruskaha piśmieńnika Sašy Filipienki ŭ Vilni, dzie čytaŭ jaho tvor. Fota: «Budźma»
Narodny artyst Rasii Alaksandr Filipienka pakinuŭ Rasiju, raspaviała telekanału «Dožd» jaho dačka Alaksandra. Pa jaje słovach, adjezd baćki «źviazany ź jaho pazicyjaj» nakont rasijskaha ŭvarvańnia va Ukrainu.
19 maja 2022 hoda słavuty akcior apublikavaŭ u fejsbuku fatahrafiju ŭ vyšyvancy.
«Tata vyrašyŭ dastać svaju vyšyvanku i ŭspomnić cudoŭnyja dni ŭ Kijevie, studyju Daŭženki i napisaŭ niejkija słovy lubovi — u pieršuju čarhu siabram, jakija znachodziacca tam», — raspaviała dačka akciora.
Paśla pačatku vajny, pa słovach Alaksandry Filipienka, arhanizatary kancertaŭ jaje baćki pačali atrymlivać admovy ad placovak. A ŭ listapadzie Teatr imia Massavieta nie padoŭžyŭ kantrakt ź Filipienkam. Akcior byŭ zadziejničany ŭ čatyroch śpiektaklach. Jon, u pryvatnaści, ihraŭ u śpiektakli «ŠekśpirHamlet». Imia akciora da hetaha času na afišy, ale karespandentu «Doždia» ŭ kasach teatra skazali, što ŭ najbližejšym śpiektakli 11 lutaha Filipienka ihrać nie budzie.