MZS Polščy zvolniła ŭsich vypusknikoŭ MHIMO
U polskim dypłamatyčnym viedamstvie nie zastałosia nivodnaha vypusknika Maskoŭskaha instytuta mižnarodnych adnosin (MHIMO).
14.02.2023 / 15:12
Zvolnienyja ŭsie supracoŭniki, jakija skončyli hetuju VNU (viedamasny ŭniviersitet MZS Rasii). Pra heta kiraŭnik MZS Polščy Źbihnieŭ Raŭ raspavioŭ u intervju haziecie Polska Codziennie, udakładniŭšy, što polskaja dypłamatyja «svabodnaja ad rasijskaha MHIMO» ŭžo blizu dvuch miesiacaŭ.
«Maskoŭski dziaržaŭny instytut mižnarodnych adnosin byŭ inviestycyjaj u dziejnaść rasijskaha impieryjalizmu. Heta častka savieckaj miakkaj siły. Vypuskniki pavinny byli słužyć dziaržaŭnamu rozumu hetaj impieryi», — cytuje ministra hazieta.
«Nam udałosia zakryć vielmi važny praces, jaki źjaŭlajecca častkaj dekamunizacyi ŭ šyrokim razumieńni», — padsumavaŭ kiraŭnik polskaha MZS.