Na Brestčynie ŭ fotapastku patrapiła ryś z tryma kacianiatami VIDEA
Redkija ciapier u Biełarusi žyvioły trapili ŭ fotapastku łandšaftnaha zakaźnika «Vyhanaščanskaje» ŭ Ivacevickim rajonie, paviedamlaje sajt Nacynalnaha parku «Biełaviežskaja pušča».
15.02.2023 / 17:34
Samcy, jakaja patrapiła na fota, bolš za try hady. Jak vyhladaje, jana zmahła vynasić, naradzić i vychavać ažno traich kacianiat. Zvyčajna hetyja žyvioły naradžajuć traich, vielmi redka čaćviarych rysianiat, ale vyžyvajuć u ich čaściej za ŭsio tolki adno-dva.
Tut ža žyvyja troje, i heta, jak havorać u Nacparku, śviedčyć pra toje, što ŭ hetaj miascovaści dla rysiaŭ skłalisia kamfortnyja ŭmovy žyćcia.
Rysi aktyŭnyja ŭ asnoŭnym nočču, pieramiaščajucca jany lohka i praktyčna biasšumna. Siłkujucca ciecierukami, hłušcami i zajcami, a taksama kazulami i aleniami.
Ciapier, pavodle acenak, u zakaźniku «Vyhanaščanskaje» žyvie kala 15 hetych dzikich katoŭ, zaniesienych u biełaruskuju Čyrvonuju knihu. Praŭda, kiraŭnik biełaruskaha Tavarystva palaŭničych i rybałovaŭ, były ministr unutranych spraŭ Ihar Šunievič nie zadavoleny achovaj rysiaŭ i vystupaje za toje, kab pačać na ich palavać razam z zubrami i busłami.