Pałačanka za padpał ułasnaha aŭto atrymała ad strachavoj kampanii $18 tys.
29.10.2009 / 16:52
Pałačanka vymaniła ŭ strachavoj kampanii bolš za $18 tys., paviedamiŭ BIEŁTA śledčy‑kryminalist prakuratury Viciebskaj vobłaści Uładzimir Bajdanaŭ.
Pradavać mašynu niavyhadna, vyhadna jaje padpalić, vyrašyła 24‑hadovaja žycharka Połacka i insceniravała padpał svajho «Piežo‑407». Raźliki hałoŭnaha buchhałtara apraŭdalisia: vypłata za mašynu, jakaja zhareła, ad strachavoj kampanii skłała bolš za $18 tys. Adnak dziaŭčynie nie daviałosia doŭha radavacca atrymanym hrošam. Supracoŭniki pravaachoŭnych orhanaŭ zmahli vyličyć sapraŭdnaha vinavataha ŭ padpale.
Za machlarstva ŭ asabliva bujnym pamiery ŭ dačynieńni da pałačanki ŭzbudžana kryminalnaja sprava pa č. 4 art. 209 Kryminalnaha kodeksa Biełarusi, jakaja praduhledžvaje da 10 hadoŭ pazbaŭleńnia voli z kanfiskacyjaj majomaści.