Kamanda prajekta Politzek.me zapuskaje časopis Politzek Times
U časopisie Politzek Times buduć raspaviadać historyi biełaruskich palitviaźniaŭ i pra toje, što ludzi pieražyvajuć u źniavoleńni i pa vychadzie na volu.
16.02.2023 / 15:03
«Samy vialiki strach palitviaźniaŭ, što pra ich zabuduć. Tamu naša misija rabić usio mahčymaje, kab kožny hieroj byŭ pačuty. I my chočam praciahvać raspaviadać historyi ludziej, pakul apošni palitviazień nie vyjdzie na volu. My nie chočam cyklicca tolki na niehatyŭnym vopycie, pra katavańni i represii viedajuć mnohija», — raskazvaje kamanda prajekta.
Na staronkach časopisa źbirajucca publikavać asabistyja historyi palitviaźniaŭ, ich refleksii pra novy dośvied i siłu pieraadoleńnia. Buduć taksama historyi salidarnaści i rubryka «Znachodzim u svaich» — pra biznes palitviaźniaŭ.
Kamanda prajektu zaprašaje taksama napisać adkryty list palitviaźniu.