Z sakavika zapracuje anłajn-kinateatr biełaruskaha kino
Kamanda kinafiestyvalu «Paŭnočnaje źziańnie» zapuskaje anłajn-kinateatr biełaruskaha kino Vodblisk. Tam možna budzie hladzieć sučasnaje niezaležnaje kino, zroblenaje biełarusami.
20.02.2023 / 15:30
Kadr z filma «Maja babula z Marsa»
Novyja stužki buduć dadavacca štomiesiac.
Pieršy film na płatformie zjavicca 1 sakavika. Heta «Maja babula z Marsa» — dakumientalnaje kino pra babulu režysiora ŭ anieksavanym Krymie, źniataja Alaksandram Michałkovičam.
Kab hladzieć filmy ŭ biełaruskim anłajn-kinateatry, treba zarehistravacca. Dostup da luboha filma kaštuje 5$ i vydajecca na 30 dzion, za hety čas film možna pierahladzieć kolki zaŭhodna razoŭ.
Dla hledačoŭ, jakija znachodziacca na terytoryi Biełarusi, Vodblisk u 2023 hodzie budzie biaspłatny. Heta źviazana z tym, što praz mety biaśpieki kinateatr pakul nie moža prymać płaciažy ad karystalnikaŭ z Biełarusi.
Na płatformie buduć taksama dyskusii i hutarki z biełaruskimi režysiorami, pradziusarami dy inšymi kinadziejačami. Supravadžać kožny film budzie razmova ź jaho stvaralnikami i stvaralnicami. Dyskusii buduć u volnym dostupie dla ŭsich, niezaležna ad hieahrafii.