U Čarnihavie pierajmienavali 37 vulic i zavułkaŭ, nazvy jakich źviazanyja z Rasijaj i Biełaruśsiu
Miž inšych z karty horada źnikli vulicy Bresckaja, Minskaja i Mazyrskaja, a taksama Minski i Mazyrski zavułki.
21.02.2023 / 20:35
Miascovyja ŭłady padkreślivajuć, što heta nie tolki derusifikacyja taponimaŭ, ale i baraćba sa zhadkami pra krainy-ahresary. «Heta źmiena ŭsprymańnia našaha śvietu», — kaža deputatka miascovaj rady Iryna Sałamacha.
Rašeńnie prymierkavali da ŭhodkaŭ pačatku paŭnamaštabnaj rasijskaj ahresii.
Byłuju vulicu Bresckuju pierajmienavali ŭ honar ukrainskaha vajskoŭca Maksima Biełakonia, jaki zahinuŭ 27 lutaha 2022 hoda pry abaronie Čarnihava.
Byłyja vulica i zavułak Minskija buduć nasić imia ŭkrainskaj piśmieńnicy XIX — pačatku XX stahodździaŭ Hanny Barvinak, jakaja była rodam z Čarnihaŭščyny.
Vulicu i zavułak Mazyrskija pierajmienavali ŭ honar ukrainskaj mastački Kaciaryny Biłakur, jakaja pisała svaje tvory ŭ žanry «naiŭnaha mastactva».