Litoŭskaja čyhunka zatrymała 15 vahonaŭ ź biełaruskimi ŭhnajeńniami
Pra zatrymańnie litoŭcami 15 vahonaŭ ź biełaruskimi ŭhnajeńniami paviedamiŭ Biełaruski rasśledavalnicki centr. Zatrymany sastaŭ pakazali žurnalistam, u tym liku rasśledavalniku BRC Alaksandru Jaraševiču i jaho litoŭskamu kalehu z rasśledavalnickaha vydańnia Siena Šarunasu Čarniaŭskasu.
22.02.2023 / 00:14
Hruz z karbamidam koštam 320 tysiač jeŭra nakiroŭvaŭsia ŭ Dubaj ź pierahruzkaj u Kłajpiedskim porcie. Pastaŭščyk uhnajeńniaŭ — biełaruskaja kampanija «Technaśpiectrejdynh», pra jakuju Biełaruski rasśledavalnicki centr padrabiazna raskazaŭ u niadaŭnim rasśledavańni, pryśviečanym schiemam pa abychodzie zachodnich sankcyj, nakładzienych na «Hrodna Azot».
Sastaŭ zatrymali jašče 10 lutaha. Ciapier z hruzam raźbirajecca prakuratura, a Litoŭskaja čyhunka abiacaje ŭzmacnić pravierku pastaŭščykoŭ ź Biełarusi.