Kiroŭca maršrutki, što trapiła ŭ žudasnaje DTZ pad Smalavičami, žyvy
Śledčym kamitetam ustanoŭleny asoby ŭsich zahinułych u DTZ u Smalavickim rajonie. Rasśledavańnie praciahvajecca.
22.02.2023 / 15:00
U SK raspaviali, što kolkaść zahinułych zastajecca niaźmiennaj — 11 čałaviek, siarod ich dvoje niepaŭnaletnich (13 i 14 hadoŭ). U balnicy znachodziacca 9 čałaviek z traŭmami roznaj stupieni ciažkaści.
U SK taksama adznačyli, što pry vyvučeńni asob paciarpiełych ustanoŭlena, što kiroŭca maršrutki žyvy i znachodzicca ŭ balnicy. Pieršapačatkovaja infarmacyja ab jaho hibieli nie paćvierdziłasia.
Kiroŭca MAZa zatrymany pa padazreńni ŭ ździajśnieńni złačynstva, raspaviali ŭ SK.
«Skrupulozna, litaralna pasiekundna adnaŭlajecca miechanizm DTZ», — adznačyli ŭ pres-słužbie SK.
20 lutaha kala 15.00 na trasie R69 pablizu Smalavičaŭ adbyłosia łabavoje sutyknieńnie maršrutki i hružanaha MAZ. Zahinuli 11 čałaviek — pasažyry maršrutki.