Biełaruski ściah padčas vystupu Śviatłany Cichanoŭskaj u Brusieli FOTA
Śviatłana Cichanoŭskaja siońnia vystupiła na plenarnym pasiadžeńni Jeŭrapiejskaha ekanamičnaha i sacyjalnaha kamiteta (EESC) u Brusieli. Padčas jaje vystupleńnia adzin z delehataŭ u zale ŭźniaŭ bieł-čyrvona-bieły ściah.
22.02.2023 / 18:41
Cichanoŭskaja padčas svajho vystupleńnia zaklikała dałučycca da biełarusaŭ u pabudovie novaj Biełarusi, novaj Jeŭropy, u adbudovie Ukrainy. A taksama padtrymać naš narod u imknieńni da svabody.
«Demakratyčnaja Biełaruś — heta samaja žorstkaja sankcyja suprać Pucina… Tamu vielmi važna raźmiažoŭvać biełaruski narod i režym. Biełarusy — na baku Ukrainy. Jany chočuć svabody, demakratyi i niezaležnaści. Heta režym staŭ saŭdzielnikam Pucina i pavinien być pryciahnuty da adkaznaści. Taksama važna pakazać biełarusam pazityŭnuju alternatyvu, toje, za što treba zmahacca. Biełarusy pavinny adčuvać i bačyć jeŭrapiejskuju pierśpiektyvu», — adznačyła Śviatłana Cichanoŭskaja.