Łukašenka anansavaŭ vystup Si Czińpina nakont vajny va Ukrainie
«Ja viedaju, siońnia-zaŭtra Si Czińpin vystupić z zajavaj abo pramovaj z nahody kanfliktu va Ukrainie. Prašu źviarnuć uvahu, što heta taki niezvyčajny dla kitajskaj palityki krok», — zajaviŭ Łukašenka ŭ intervju kitajskim ŚMI.
23.02.2023 / 15:46
Si Czińpin. Fota: Jack Taylor / Pool Photo via AP, File
«Ja viedaju, siońnia-zaŭtra Si Czińpin vystupić z zajavaj abo pramovaj z nahody kanfliktu va Ukrainie. Prašu źviarnuć uvahu, što heta taki niezvyčajny dla kitajskaj palityki krok. Kitajcy zaŭsiody akuratnyja, aściarožnyja. Tudy, kudy nie treba, jany nie lezuć. Kali jany razumiejuć, što heta nie daść šukanaha, patrabavanaha vyniku, jany taksama nie stanuć rabić u hetym kirunku kroki», — skazaŭ Łukašenka.
«I kali heta pasłańnie, jakoje prahučyć z vusnaŭ lidara Kitaja, nie budzie pačutaje tymi, kamu jano budzie adrasavanaje, heta taksama budzie mieć surjoznyja nastupstvy. Tamu ja, prosta zabiahajučy napierad, raju tym, kamu buduć adrasavanyja słovy Si Czińpina, pryniać ich surjozna i zrabić peŭnyja kroki. Heta budzie surjozny hołas u imia miru ŭ hetym rehijonie. Ja ŭpeŭnieny, što hety vystup budzie viankom usioj miralubnaj palityki Kitaja. Ja na sto adsotkaŭ pierakanany. Inakš prosta być nie moža. Heta ŭzor hetaj miralubnaj palityki», — dadaŭ jon.