Akademiju kiravańnia chočuć zrabić VNU vyklučna dla łukašenkaŭcaŭ
U Akademii kiravańnia z 1 krasavika ŭvodziać sumoŭje dla abituryjentaŭ jak dopusk da ekzamienaŭ. Ale nie tolki heta.
25.02.2023 / 23:41
Fota: Akademija kiravańnia
U Akademii kiravańnia prajšoŭ Dzień adčynienych dźviarej. Tam raskazali pra šerah novaŭviadzieńniaŭ u paradak pryjomu ŭ akademiju ŭ 2023 hodzie.
Z hetaha hoda abituryjentam treba budzie prajści prafiesijna-psichałahičnuju hutarku, raspavioŭ rektar VNU Viačasłaŭ Daniłovič karespandentu BiełTA.
«Z hetaj pryjomnaj kampanii ŭ nas płanujecca ŭviadzieńnie prafiesijna-psichałahičnaj hutarki, jakaja budzie ažyćciaŭlacca z 1 krasavika i da pačatku pryjomu dakumientaŭ. Heta budzie dopuskam da ŭdziełu ŭ konkursie na pastupleńnie ŭ Akademiju kiravańnia», — skazaŭ jon.
Taksama akramia charaktarystyki, jakuju pavinien mieć abituryjent, jaki choča pastupić u Akademiju kiravańnia, nieabchodna jašče pradstavić rekamiendacyi z apošniaha miesca vučoby, raboty abo słužby plus rekamiendacyju ad miascovaha orhana vykanaŭčaj ułady, paviedamiŭ Daniłovič.