«Žestačajšaj dyscypliny!» Łukašenka adčytaŭ kiraŭnictva siłavoha błoku. Na Chreninu nie było tvaru
Paśla narady z siłavikami ŭ vuzkim kole Alaksandr Łukašenka zapatrabavaŭ ad ich «žestačajšaj dyscypliny», asabliva na hranicy. Narada adbyłasia na nastupny dzień paśla dyviersii ŭ Mačuliščach. Padryŭ samalota nie zhadvaŭsia, ale Łukašenka vyhladaŭ zaniepakojenym. Na ministru abarony Viktaru Chreninu nie było tvaru.
27.02.2023 / 15:13
Skrynšot videa z «Puła pieršaha»
«Jašče raz chaču patrabavać ad vas žestačajšaj dyscypliny ŭ voinskich padraździaleńniach MUS i KDB. Žestačajšaj dyscypliny!
Kožny pavinien zajmacca svajoj spravaj. U nas niemałaja kolkaść ludziej u pahonach, usie ŭzbrojenyja, hetyja ludzi zatočanyja na abaronu svajho hramadstva. Hetym nam treba karystacca, dyscyplina i vykanańnie svaich abaviazkaŭ — asabliva na miažy.
Ja kali kažu pra miažu, heta nie značyć, što heta padraździaleńnie Łapo — i ŭsio. Heta milicyja, heta KDB, heta vajskoŭcy — my ŭsie pavinny bačyć na rubiažach našaj krainy lubuju, samuju drobnuju ahresiju ŭ adnosinach da našaj dziaržavy, kab pryniać adpaviedanyja miery reahavańnia. Jany vykarystoŭvajuć lubyja vypadki, kab uskałychnuć situacyju ŭ Biełarusi», — skazaŭ Łukašenka.
Skrynšot videa z «Puła pieršaha»
Za stałom, aproč Chrenina, siadzieli načalnik Hienštaba Alaksandr Valfovič, kiraŭnik KDB Ivan Cierciel, ministr unutranych spraŭ Ivan Kubrakoŭ i staršynia Dziaržapahrankamiteta Anatol Łapo.