Łucki: My vyjaŭlajem ludziej, jakija nie padtrymlivajuć Łukašenku
Na žurfaku BDU rychtujuć nie prosta žurnalistaŭ, a bajcoŭ infarmacyjnaha frontu. Pra heta zajaviŭ namieśnik kiraŭnika Administracyi Ihar Łucki na pasiadžeńni kalehii Mininfarma, piša BiełTA.
28.02.2023 / 13:33
Ihar Łucki zajaviŭ, što važnaj źjaŭlajecca najaŭnaść kadraŭ.
«Na žal, da hetaha my vyjaŭlajem u strukturach ŚMI ludziej, jakija nie padtrymlivajuć dziaržaŭnuju palityku. Kadry ŭ lubym ŚMI i luboj ustanovie — zadača numar adzin kiraŭnikoŭ. Dzie brać hetyja kadry?
Łukašenkam pryniataje rašeńnie ab stvareńni nahladalnaj rady na fakultecie žurnalistyki. Tudy ž byŭ pryznačany novy kiraŭnik, dekan fakulteta (historyk Alaksiej Bialajeŭ). Kiraŭniki ŚMI adkazvajuć siońnia za padrychtoŭku śpiecyjalistaŭ na fakultecie žurnalistyki BDU. Pazicyja takaja: my rychtujem nie prosta žurnalistaŭ, my rychtujem bajcoŭ infarmacyjnaha frontu. Usie heta pavinny dakładna razumieć i ŭśviedamlać. I padrychtavać hetych bajcoŭ infarmacyjnaha frontu — naša sumiesnaja zadača, a nie tolki Ministerstva adukacyi i fakulteta žurnalistyki», — skazaŭ Ihar Łucki.