Vykupić minskuju kvateru Cichanoŭskich nie znajšłosia achvotnych
Siońnia pavinien byŭ adbycca aŭkcyjon pa prodažy trochpakajovaj kvatery ŭ Minsku, jakaja naležyć Siarhieju Cichanoŭskamu. Ale tarhi nie adbylisia, bo nie znajšłosia achvotnych jaje kupić, piša «Lusterka».
06.03.2023 / 14:32
Kvateru Siarhieja Cichanoŭskaha na praśpiekcie Niezaležnaści 137/2 u Minsku praz aŭkcyjon vystavili na prodaž za pazyki. Tam zarehistravanyja žychary, u tym liku niepaŭnaletnija dzieci.
Pačatkovaja cana łota była 214 860 rubloŭ. Heta nižej za rynkavuju canu.
Rehistracyja ŭdzielnikaŭ, jakija žadajuć pryniać udzieł u tarhach, prachodziła da 3 sakavika. U kancy lutaha supracoŭnik pradpryjemstva «Bielurzabieśpiačeńnie» paviedamlaŭ, što niekalki čałaviek kvateraj cikavilisia, ale aficyjnych zajavak na ŭdzieł u tarhach na toj momant nie pastupała.
Daviedacca kolkaść udzielnikaŭ nielha było da pačatku aŭkcyjonu, jon pavinien byŭ prachodzić siońnia, 6 sakavika. Ranicaj stała viadoma, što tarhi nie adbylisia — praz adsutnaść udzielnikaŭ. Heta vynikaje ź infarmacyi, raźmieščanaj na staroncy z abjavaj ab prodažy.