Pamior kiroŭca maršrutnaha taksi, što patrapiła ŭ žudasnuju avaryju pad Smalavičami
6.03.2023 / 18:9
U prafsajuzie prafiesijnych pieravozčykaŭ Biełarusi paviedamili, što mužčyna, jaki kiravaŭ maršrutnym taksi, što 20 lutaha patrapiła ŭ avaryju sa šmatlikimi čałaviečymi achviarami ŭ Smalavickim rajonie, u siaredzinie dnia 6 sakavika pamior u balnicy.
20 lutaha kala 15.00 na trasie R69 pablizu Smalavičaŭ adbyłosia łabavoje sutyknieńnie maršrutki i hružanaha MAZ. Tady zahinuli 11 čałaviek — pasažyry maršrutki. Jašče 9 čałaviek z traŭmami roznaj stupieni ciažkaści byli špitalizavanyja.
Spačatku paviedamlałasia, što kiroŭca maršrutki zahinuŭ, ale paśla vyjaviłasia, što jon žyvy i ŭ balnicy. Adnak, jak vyhladaje, traŭmy ŭrešcie akazalisia niesumiaščalnyja z žyćciom.