Vydavieckaja inicyjatyva «Pflaŭmbaŭm» vydała try knižki biełaruskich paetak raniejšych pakaleńniaŭ
8 sakavika žanočaja vydavieckaja inicyjatyva «Pflaŭmbaŭm» padzialiłasia vynikam šmathadovaj pracy, jakaja ŭvasobiłasia ŭ vychadzie troch novych knih aŭtarak-žančyn, piša Reform.by.
08.03.2023 / 18:38
Pradstaŭleny publicy try knihi biełaruskich paetak, jakija pačynali ŭ 1920-ch: «Sonca» samoj Jaŭhienii Pflaŭmbaŭm, imia jakoj nosić vydaviectva, «Da novaha zaŭtra» Zinaidy Bandarynaj i «Nieba mnahavokaje» Natalli Višnieŭskaj.
Fota: fejsbuk vydavieckaj inicyjatyvy «Pflaŭmbaŭm»
Adznačajecca, što ŭ vydańniach Zinaidy Bandarynaj i Jaŭhienii Pflaŭmbaŭm čytačy znojduć vybranuju paeziju aŭtarak.
Fota: fejsbuk vydavieckaj inicyjatyvy «Pflaŭmbaŭm»
«Asnovu knihi Natalli Višnieŭskaj skłaŭ jaje bahaty epistalaryj, a taksama padadziena paetyčnaja i inšaja spadčyna paetki», — prezientuje treciaje vydańnie «Pflaŭmbaŭm».
Fota: fejsbuk vydavieckaj inicyjatyvy «Pflaŭmbaŭm»
U kožnaj z knih jość ustupnaje słova ź bijahrafičnymi źviestkami, kamientary i dadatak z fotazdymkami i niekatorymi dakumientami.
«Mnohija ź ich nikoli nie drukavalisia i da siońniašniaha dnia nie byli znajomyja šyrokamu čytackamu kołu», — źviartajuć uvahu stvaralniki sieryi.