Неўзабаве адновяць паветранае злучэнне Беларусі з Іранам

Паміж Мінскам і Тэгеранам «зусім хутка» плануецца аднавіць непасрэдныя авіязносіны, паведаміў пасол Беларусі ў Іране Дзмітрый Кальцоў.

11.03.2023 / 18:58

«Зусім хутка паміж сталіцамі нашых краін будуць устаноўленыя прамыя авіязносіны. Прамы рэйс, безумоўна, стане магутным фактарам для пашырэння эканамічнага супрацоўніцтва паміж Беларуссю і Іранам», — заявіў ён.

Дакладнай даты ён, праўда, пакуль не назваў. Магчыма, яна будзе абвешчаная падчас візіту Лукашэнкі ў Іран 12-13 сакавіка.

Раней паведамлялася, што рэйсы паміж Мінскам і Тэгеранам збіраецца ўвесці іранская авіякампанія Mahan Air.

Да 2018 года ў Іран лётала Belavia, але пасля палёты спыніліся «па тэхнічных прычынах».

Чытайце таксама:

Лукашэнка 12 сакавіка адправіцца з візітам у Іран

Nashaniva.com