Лукашэнка дамовіўся ў Іране пра ўзаемнае прызнанне халяльнай прадукцыі
Дзяржаўны камітэт стандартызацыі Беларусі і Іранская нацыянальная арганізацыя па стандартызацыі падпісалі мемарандум аб узаемаразуменні ў рамках афіцыйнага візіту Аляксандра Лукашэнкі ў Іран. Мемарандум накіраваны на прасоўванне і развіццё супрацоўніцтва ў дачыненні да прадукцыі халяль.
13.03.2023 / 17:10
Прадугледжваецца ўзаемадзеянне бакоў у галіне працэдур ацэнкі адпаведнасці, стандартаў і тэхрэгламентаў для выдачы сертыфікатаў халяль і іх узаемнага прызнання на выпусканую і ўзаемнапастаўляную краінамі прадукцыю.
Бакі таксама плануюць абменьвацца вопытам і ведамі ў галіне тэхналогій, кампетэнцый, аб'ектаў інфраструктуры, а таксама даследаванняў і распрацовак, звязаных з прадукцыяй халяль.
Раней Беларусь заключыла падобнае пагадненне з ААЭ, а хоча яшчэ з Інданезіяй.