Памерла Дубраўка Угрэсіч
Яна была адной з самых значных пісьменніц былой Югаславіі.
18.03.2023 / 23:08
Дубраўка Угрэсіч была з харвацка-балгарскай сям'і і лічыла сябе «постюгаслаўскай пісьменніцай». Фота Wikimedia Commons
Дубраўка Угрэсіч памерла ў пятніцу 17 сакавіка ў Амстэрдаме пасля кароткай і цяжкай хваробы. Праз некалькі дзён ёй споўнілася б 74 гады.
Яна была родам з Харватыі, але называла сябе «постюгаслаўскай, транснацыянальнай ці, дакладней, постнацыянальнай пісьменніцай». Яна была зацятай праціўніцай харвацкага нацыяналізму і ў 1993 годзе эмігравала з незалежнай Харватыі.
Яна была прыхільніцай ідэі супольнай мовы для сербаў, харватаў, баснякаў і чарнагорцаў.