Pad Brestam traktar sutyknuŭsia z pasažyrskim ciahnikom
U sieradu kala 18:00 na čyhunačnym pierajeździe ŭ rajonie čyhunačnaj stancyi Damačava Bresckaha rajona pasažyrski ciahnik Brest — Uładava sutyknuŭsia z traktaram «Biełarus» z naviasnym abstalavańniem, paviedamlaje miascovaje UUS.
22.03.2023 / 22:31
Kiravaŭ traktaram žychar Bresckaha rajona 1960 hoda naradžeńnia. Pavodle papiaredniaj infarmacyi, jon prajechaŭ na čyrvony sihnał śviatłafora.
U vyniku sutyknieńnia traktar pierakuliŭsia, ale abyšłosia biez čałaviečych achviar. Paškodžana čatyry špały.
Čyhunačny ruch užo adnoŭleny, pravodzicca pravierka.