Jak žychary vioski ŭ Kryčaŭskim rajonie prytulili na zimu busła
U vioscy Kancy Kryčaŭskaha rajona ŭ kuratniku ŭžo čatyry miesiacy žyvie niezvyčajny pastajalec — busieł. Ź niejkaj pryčyny ptuška nie palacieła zimavać u vyraj i ledź nie zamierzła pad śnieham u listapadzie, piša Mogilev.online.
29.03.2023 / 13:59
Toj samy busieł. Fota: sb.by
Miascovyja žychary nie zastalisia abyjakavymi: Halina pasialiła ptušku ŭ svaim kuratniku, a karmić i dahladać hadavanca dapamahaje ŭsia akruha. Nazvali busła Busiaj.
Halina raspaviadaje, što na dzień ptušcy treba prykładna paŭkiłahrama kormu. Akramia mojvy i kilki, Busia vielmi lubić miasa, serca, nyrki, piečań i inšyja subpradukty.
Z prychodam ciapła busła chočuć vypuścić na volu. Usio ž taki dzikaja ptuška pavinna žyć u pryrodzie, ličać miascovyja žychary.
Čytajcie taksama:
Na Paleśsi ŭziali pad achovu miesca raśsialeńnia čornaha busła
Enierhietyki pastavili na aporach łep bolš za 200 płatformaŭ dla buślanak