«Дзіўныя «міратворцы» выглядаюць камічна» — Падаляк
Дарадца кіраўніка Офіса прэзідэнта Украіны Міхаіл Падаляк адрэагаваў у твітары на сённяшнія «міратворчыя» ініцыятывы Лукашэнкі. Ён падкрэсліў, што спыненне агню будзе азначаць «права» Расіі застацца на акупаваных тэрыторыях Украіны, што для апошняй непрымальна.
31.03.2023 / 18:02
«Яшчэ раз па пунктах. Любое спыненне агню будзе азначаць права РФ застацца на акупаваных тэрыторыях. Гэтага катэгарычна нельга дапусціць… Дзіўныя «міратворцы» выглядаюць камічна».
Падаляк дадаў, што Украіна мае права перамяшчаць на сваёй тэрыторыі войскі і тэхніку так, як лічыць патрэбным.
Лукашэнка сёння ў сваім пасланні выклаў такі «міратворчы» план:
«Спыніць баявыя дзеянні. Перамір'е аб'явіць без права перамяшчэння і перагрупоўкі войскаў з абодвух бакоў, без права перакідання зброі і боепрыпасаў, жывой сілы і тэхнікі. Усё, замерлі».
Чытайце таксама:
Лукашэнка заявіў, што ў Беларусі ёсць геі на самых высокіх узроўнях і яны «залатыя людзі»
Лукашэнка: Расійскія войскі нас не захапілі, я іх сюды прывёў і імі кірую