EPAM распавяла, колькі грошай патраціла на рэлакацыю
Удакладненая справаздачнасць кампаніі EPAM за 2022 год змяшчае дадзеныя аб выдатках, панесеных на рэлакацыю супрацоўнікаў. Гаворка ідзе пра $38,7 млн. Такія рэсурсы IT-кампанія накіравала на тое, каб перавесці супрацоўнікаў з Расіі, Беларусі і Украіны ў офісы, адкрытыя ў іншых краінах. Кампанія ўзяла на сябе выдаткі на пражыванне, праезд і харчаванне, піша Office Life.
01.04.2023 / 11:02
Фота: CEU Career Services
Гэтыя выдаткі з'яўляюцца дадатковымі да тых, якія былі панесены да крызісу, яны выразна аддзеленыя ад звычайнай дзейнасці, і чакаецца, што не будуць паўтарацца пасля таго, як крызіс cціхне і аперацыі вернуцца да звычайнага рэжыму», — гаворыцца ў каментарах да справаздачнасці.
Адначасова EPAM канстатуе скарачэнне на 71,8% выручкі ў краінах у Расіі, Беларусі і Украіне.
Раней паведамлялася, што ў Беларусі каманда кампаніі за 2022 год зменшылася больш чым у два разы — з 9,4 тыс.да 4,5 тыс. чалавек. Для параўнання: ва Украіне кампанія страціла 2, 5 тыс.супрацоўнікаў.
Чытаць таксама:
ІТ-кампаніі з беларускімі каранямі занялі за год палову айцішных офісаў Вільні
Штат EPAM у Беларусі летась скараціўся напалову. А літоўская каманда вырасла ў 4,5 раза
EPAM Systems упершыню стала галоўным падаткаплацельшчыкам IT-галіны Літвы