Švied śćviardžaje, što kolkaść zvarotaŭ u «kamisiju pa viartańni» ŭzrasła da 56-ci
Hienieralny prakuror Andrej Švied zajaviŭ, što ŭ kiravanuju im kamisiju pa viartańni biełarusaŭ, jakija źjechali, nibyta pastupiła ŭžo 56 zajaŭ.
01.04.2023 / 22:36
Andrej Švied
«Praca idzie, pastupiła 56 zvarotaŭ užo z-za miažy. Materyjały rychtujucca da pasiadžeńnia kamisii. I ja dumaju, u najbližejšy čas pieršuju častku hetych zvarotaŭ my razhledzim va ŭstanoŭlenym ukazam kiraŭnika dziaržavy paradku», — raskazaŭ Švied u efiry telekanała ANT.
Kamisija pa viartańni zapracavała na pačatku lutaha 2023 hoda. U sakaviku paviedamlałasia, što za miesiac jaje pracy ŭ kamisiju źviarnulisia 23 čałavieki, ale bolšaść zajaŭ «nie adpaviadała» prapisanym va ŭkazie kryteryjam.
Ad tych, chto źviartajecca ŭ kamisiju, patrabujuć rastłumačyć, čamu jany aścierahajucca viarnucca (faktyčna danieści samim na siabie), raskajacca i prynieści publičnyja prabačeńni (publična prynizicca) i pakryć pryčynienuju škodu (padtrymać svaich mučycielaŭ materyjalna). Takija ŭmovy słaba matyvujuć navat tych, chto nie zmoh dobra ŭładkavacca na čužynie i mocna sumuje pa radzimie. Tym bolš, što lubyja dadatkovyja kamientaryi i tłumačeńni łukašenkaŭskich čynoŭnikaŭ i prapahandystaŭ, jak praviła, nie dadajuć aptymizmu, bo jany zvyčajna prasiaknutyja nastrojenaściu pomstu, a nie prabačeńnie.
Čytajcie taksama:
Ukaz pra «kamisiju pa viartańni» skłali tak, kab jon ničoha nie harantavaŭ. Voś što heta dakazvaje