Глядзіце, які пентхаус з дзіркай ў столі прадаецца ў Мінску
Пентхаус плошчай 300 квадратаў прадаецца на вуліцы Платонава недалёка ад цэнтра. Акрамя плошчы, планіроўкі і цаны, у ім ёсць і яшчэ адна цікавая асаблівасць — шкляны купал над столлю, піша realt.by.
03.04.2023 / 10:25
Пентхаус знаходзіцца на Платонава, 23. Гэта 19-павярховы дом за 10 хвілін хады ад станцыі метро «Плошча Якуба Коласа». Недалёка ад дома — Батанічны сад.
Дом 2014 года пабудовы, пентхаус знаходзіцца на апошнім 19-м паверсе. У абʼяве напісана, што тут чатыры пакоі. Агульная плошча — каля 300 квадратаў. Жылая — амаль 120 квадратаў. Пад кухню адведзена амаль 40 квадратных метраў. Планіроўка нестандартная, з паўкруглымі вокнамі.
Пентхаус без аздаблення. На падлогах — бетонная сцяжка. Ёсць балкон і вялікая тэраса на даху.
У адной з пакояў у столі можна заўважыць вялікую адтуліну, з якой бачны шкляны купал.