Voś jak vyhladajuć tureckija dačy. Što možna pieraniać?
Z nadychodam viasny ŭzrastaje popyt na dačy i adpačynak za horadam. Asobnyja haradžanie pryzvyčailisia ładzić pikniki i ŭ miežach horada. U tureckim horadzie Końja vyrašyli pajści nasustrač žycharam i stvaryli ceły haradok dla adpačynku z hrylem.
04.04.2023 / 18:52
Piknik-park u horadzie Końja (Turcyja). Fota: sajt horada gokonya.com
Jak paviedamlaje sajt horada, śpiecyjalnaja zona dla piknikoŭ zajmaje płošču 975 sotak. Na joj raźmieščanyja 454 asobnyja ŭčastki pa adnoj sotcy. Usie jany adnolkava abstalavanyja zonaj dla barbiekiu i vadapravodam. Navat raśliny adnolkavyja.
Akramia hetaha, u «sadovym tavarystvie» jeść sacyjalnyja abjekty ahulnaha karystańnia, takija jak fitnes- i dziciačaja placoŭka, pamiaškańnie dla malitvy.
Arandavać učastak možna za płatu. Da taho ž, kab dabracca, nieabchodna mieć aŭtamabil. Darohi zaasfaltavanyja, častka ŭčastka vykładzienaja plitkaj, a druhaja — zasiejanaja travoj. Usio vyhladaje dastatkova ŭrbanistyčna. Ale heta nie źmianšaje papularnaści takich učastkaŭ.
Końja — heta horad u centralnaj častcy Turcyi z nasielnictvam 2,2 miljona čałaviek. Ën źviazany z Ankaroj i Stambułam chutkasnymi čyhunkami.
Tak vyhladajuć učastki ŭ piknik-parku horada Końja (Turcyja). Fota: sajt horada gokonya.com
U adroźnieńnie ad zvyčajnych miescaŭ dla piknika, kudy viadzie tolki adna daroha i dzie majecca tolki adna stajanka, tut terytoryja padzielenaja na kvartały, a mašynu možna pryparkvać niepasredna kala ŭčastka. Sama zona adpačynku izalavanaja ad susiedziaŭ.
Jak dumajecie, ci varta takoje pieraniać i biełarusam?
Čytajcie jašče:
Šale, hłempinh i chatki na drevach. Top niezvyčajnaha žylla dla adpačynku ŭ Biełarusi
«Abmierkavali, vyrašyli — pahnali!» Pabudavali modnuju trochvuholnuju chatu-šale ŭsiaho za paŭhoda
Ad 10 da 270 tysiač dalaraŭ. Dačy ŭ vakolicach Minska pradajucca pa canie kvater