Recepty vielikodnaha stała: krašanki, paska, zapiečanaje miasa
Vialikdzień — najvažniejšaje śviata dla ŭsich chryścijan, i dla katolikaŭ, i dla pravasłaŭnych. Heta śviata žyćcia, viery i nadziei, suhučnych abudžeńniu i roskvitu pryrody. A taksama heta čas zakančeńnia Vialikaha postu, tamu važnaja častka padrychtoŭki da śviata — hatavańnie asablivych straŭ. Sabrali dla vas kulinarnyja tradycyi śviata ŭ adnym artykule.
05.04.2023 / 21:49
Čyrvonaje jajka — simvał Vialikadnia
Zhodna ź biblejskaj historyjaj, kali Maryja Mahdalina padavała jajka rymskamu impierataru Tybieryju jak simvał uvakresieńnia Chrysta, impieratar z sumnievam adkazaŭ, što jak jajka biełaje, a nie čyrvonaje, tak i miortvyja nie ŭvaskrasajuć. U toje ž imhnieńnie jajka ŭ jaho ruce pačyrvanieła.
Tamu čyrvonaje jajka — hałoŭny simvał śviata, choć užo daŭno jajki farbujuć i ŭ inšyja kolery: tak, z dapamohaj kurkumy možna zrabić ich jarka-žoŭtymi, z dapamohaj kurkumy, šafranu i čyrvonaj kapusty — zialonymi. U hetym artykule my padrabiazna raskazvali, jak možna pafarbavać jajki ŭ roznyja kolery naturalnymi i charčovymi farbavalnikami, a taksama prapanavali niekalki varyjantaŭ, jak zrabić aryhinalny ŭzor, — farbavać z malunkam pa trafarecie abo z aptečnymi humkami.
Piroh, abo paska
Vielikodnaja paska. Fota: rixabay
Palaki nazyvajuć jaje «babka», u paŭnočnarasijskich havorkach bytavała słova «kulič», a ŭ Biełarusi, jak i va Ukrainie i na poŭdni Rasii — «paska».
Śviata Pascha było i achviaravańniem, tamu słovam hetym pačali nazyvać rytualnyja chlaby.
Voś tut prapanujem čatyry recepty tvarožnaj paschi, ź jakich kožny vybiera sabie štości, što pryjdziecca jamu daspadoby. Jość i aryhinalnaja prapanova — niamiecki paschalny chleb osterbrot — cikavaja alternatyva zvykłym piraham.
Miasnyja stravy
Zakančeńnie postu aznačaje, što možna narešcie dazvolić sabie miasnyja stravy. Tamu zvyčajna na vielikodnym stale byvała zapiečanaje miasa.
Tut možna znajści recepty tradycyjnych biełaruskich straŭ na Vialikdzień, naprykład, śvininu ŭ cieście i śvininu, zapiečanuju z bulbaj. Siarod aryhinalnych varyjantaŭ miasnych straŭ — zapiečanaja naha jahniaci z prypravami — pryhatavać jaje nieskładana, a smak taho varty.
Hałoŭnaja vielikodnaja pryprava da miasnoj ježy — nadranyja na drobnuju tarku karani chrenu, źmiešanyja z syrym ciortym burakom.
Upryhožańnie vielikodnaha stała
Upryhožańnie vielikodnaha stała. Fota: rixabay
Vialikdzień — tradycyjnaje śviata, tamu naturalnym jaho azdableńniem mohuć być tradycyjnyja ručniki i abrusy z nacyjanalnaj simvolikaj.
Pieradać viesnavuju i śvietłuju atmasfieru śviata možna i z dapamohaj takich koleraŭ u abrusach i survetkach, jak śvietła-błakitny, śvietła-zialony, śvietła-žoŭty i śvietła-ružovy.
Stoł vielmi «ažyvie», kali dadać da jaho takija pryrodnyja elemienty, jak kvietki i travinki, abo zmajstravać dekaratyŭnyja hniozdy dla jajek (ich taksama možna zrabić z pryrodnych materyjałaŭ, naprykład, z mochu i suchoj travy).
Čytajcie jašče: