У Мінскім раёне перакуліўся бензавоз з дызельным палівам
На 17 км трасы Р1 4 красавіка перакуліўся бензавоз, што прывяло да «кропельнага выцякання» дызельнага паліва, паведаміла Міністэрства надзвычайных сітуацый.
04.04.2023 / 19:12
Плошча разліву паліва склала каля 2 квадратных метраў. Ратавальнікі пры дапамозе спецыяльнага абсталявання стварылі пенную падушку.
Пры тэхнічнай дапамозе РУП «Беларуснафта-Транс» бензавоз быў пастаўлены на колы, выцяканне паліва было спыненае. Затым прыбыла асенізатарская машына для збору разлітага паліва, рэшткі якога былі ліквідаваныя пры дапамозе сарбенту.
Пацярпелых у выніку інцыдэнту няма.
Чытайце таксама:
У мінскай Курасоўшчыне аўтобус трапіў у ДТЗ. Ёсць пацярпелыя
У Асіповічах жанчына пераблытала сок з бензінам і выклікала пажар