Litva padaść na Biełaruś u Mižnarodny sud za pravakavańnie mihranckaha kryzisu
Urad Litvy ŭchvaliŭ inicyjatyvu miascovaha Ministerstva justycyi ab pryciahnieńni biełaruskich uład da adkaznaści za niezakonny ŭvoz mihrantaŭ. Pra heta 5 krasavika paviedamiła Ministerstva justycyi Litvy.
05.04.2023 / 16:10
Biełarusi budzie vystaŭleny pazoŭ za nievykanańnie pałažeńniaŭ Pratakoła ab niezakonnym uvozie mihrantaŭ pa sušy, mory i pavietry, jaki dapaŭniaje Kanviencyju AAN suprać transnacyjanalnaj arhanizavanaj złačynnaści. Ministerstva justycyi Litvy pačnie pieramovy ab pieradačy sprečki ŭ arbitraž ci Mižnarodny sud.
«Dyktatary nie majuć imunitetu ad mižnarodnaha prava. Paśla Pucina nastała čarha režymu Łukašenki ŭziać na siabie adkaznaść», — zajaviła ministarka justycyi Litvy Evielina Dabravolskaja.
Pa słovach ministarki ŭnutranych spraŭ Ahne Biłatajcie, Litva robić vielmi važny i nieabchodny krok, inicyjujučy ŭ Mižnarodnym sudzie spravu suprać biełaruskaha režymu ŭ suviazi ź mihracyjnym kryzisam. Na jaje dumku, tak Litva nie tolki abaronić svaje intaresy, ale i pryciahnie ŭvahu mižnarodnaj supolnaści da parušeńniaŭ pravoŭ čałavieka, učynienych uładami Biełarusi.
Čytajcie taksama:
Litva paprasiła ŭ Jeŭrasajuza dadatkovyja srodki dla ŭmacavańnia miažy ź Biełaruśsiu
Daradca prezidenta Litvy pra abmiežavańni dla biełarusaŭ: Padčas vajny heta nieabchodna