Міжнародная федэрацыя коннага спорту працягнула адхіленне ад спаборніцтваў беларускіх людзей і коней
5.04.2023 / 16:18
Кіраўніцтва Міжнароднай федэрацыі коннага спорту (FEI) працягнула адхіленне беларускіх і расійскіх спартсменаў і афіцыйных асоб ад удзелу ў міжнародных спаборніцтвах.
«Рада FEI лічыць, што на гэтым этапе нейтральнасць не можа быць вызначана ў належнай меры, у арганізацыі няма неабходных інструментаў для справядлівай і аб'ектыўнай ацэнкі ўмоў удзелу для індывідуальных нейтральных спартсменаў. Таму ўсім расійскім і беларускім спартсменам, афіцыйным асобам і коням па-ранейшаму забаронена ўдзельнічаць у турнірах FEI, на тэрыторыі Расіі і Беларусі не будуць праводзіцца мерапрыемствы пад эгідай арганізацыі», — гаворыцца ў заяве FEI.
Адхіленне будзе дзейнічаць да далейшага паведамлення.
6 сакавіка 2022 года FEI забараніла расійскім спартсменам, афіцыйным асобам і коням браць удзел у міжнародных спаборніцтвах пасля атрымання рэкамендацыі Міжнароднага алімпійскага камітэта.
Чытайце таксама:
Кіраўніком Беларускай федэрацыі коннага спорту стаў міністр сельскай гаспадаркі