Na miažy z Polščaj pierachapili bujny hruz biełaruskich cyharet, jakija zavozili jak kaktejlnyja sałominki
U hruzavym terminale «Karoščyn» kala punkta propusku «Kukuryki» na miažy ź Biełaruśsiu polskija mytniki vyjavili bujnuju partyju biełaruskich kantrabandnych cyharet. Jany pieravozilisia pad vyhladam kaktejlnych sałominak, paviedamlaje BP24.pl.
06.04.2023 / 15:51
Polskija mytniki praskanavali hruzavik, jaki pryjechaŭ ź Biełarusi, na renthienaŭskaj ustanoŭcy i ŭbačyli prykmiety taho, što siarod sałominak mohuć być cyharety. Pravierka sapraŭdy pakazała, što ŭ sotniach skrynak z kaktejlnymi trubačkami byli pački cyharet ź biełaruskimi akcyznymi markami.
Usiaho było kanfiskavana amal 175 tysiač pačkaŭ biełaruskich cyharet marki «Fest» i inšych.
Kali b partyja trapiła ŭ nielehalny handal, to biudžet Polščy straciŭ by bolš za 4 młn złotych — heta bolš za 930 tysiač dalaraŭ pa kursie polskaha Nacbanka.
Čytajcie taksama:
Biełarusy pa kolkaści vykuranych cyharet — na trecim miescy ŭ Jeŭropie
Na litoŭskaj miažy zafiksavali novy rekord cyharetnaj kantrabandy ź Biełarusi
Łatvijskija pamiežniki vyłavili ŭ Dźvinie kantrabandnyja biełaruskija cyharety. 150 tysiač štuk