Na pamiežža ź Litvoj pierakinutyja tanki 120-j bryhady — «Biełaruski Hajun»
6.04.2023 / 21:39
Pavodle infarmacyi prajekta «Biełaruski Hajun», minułaj nočču na čyhunačnuju stancyju Hudahaj (9 km ad miažy ź Litvoj) prybyŭ ešałon ź nie mienš čym 20-ciu adzinkami techniki Uzbrojenych sił Biełarusi. Viadoma, što siarod techniki ŭ ešałonie prybyło nie mienš za 10—15 tankaŭ T-72B/B3, BTR i BMP.
Na dumku manitorynhavaha prajekta, jość padstavy mierkavać, što ŭ Hudahaj byŭ pierakinuty ešałon z technikaj 120-j bryhady US Biełarusi, jakaja dysłakujecca ŭ minskim Uruččy. Farmiravańnie ešałona adbyvałasia na praciahu ŭsiaho dnia 5 krasavika na stancyi Aziaryšča, adkul ešałon adpraviŭsia kala 22-j hadziny taho ž dnia.
Taksama ŭčora ranicaj Ministerstva abarony Biełarusi paviedamiła, što vajskoŭcy adnaho ź miechanizavanych bataljonaŭ 120-j bryhady padrychtavalisia da ździajśnieńnia maršu ŭ pryznačany rajon dla vykanańnia dalejšych zadač pa pryznačeńni.
3 krasavika Ministerstva abarony abjaviła ab pačatku čarhovaj pravierki bojehatoŭnaści adnaho sa złučeńniaŭ US Biełarusi. Sakratar Rady biaśpieki Alaksandr Valfovič tady paviedamiŭ, što ŭ ramkach pravierki adno z padraździaleńniaŭ US budzie vyviedziena na palihony i roznyja ŭčastki miascovaści. Płanujecca vychad padraździaleńniaŭ da dziaržaŭnaj miažy, terminy pravierki paznačalisia jak «na praciahu miesiaca».
Čytajcie taksama:
U Bresckaj vobłaści mužčyn masava zabirajuć na zbory, mohuć padniać z łožka
«Doma mianie čakaje lubimaja mama». Na ciapierašnija zbory vyklikajuć i žančyn-miedykaŭ