Jašče adna kraina zadumałasia pra admovu ad niejtralitetu z-za vajny va Ukrainie
Z-za poŭnamaštabnaha ŭvarvańnia Rasii va Ukrainu Irłandyja moža pierahledzieć svoj niejtralny status, jakoha prytrymlivałasia na praciahu dziesiacihodździaŭ, paviedamlaje miascovaja teleradyjoviaščalnaja karparacyja RTE.
07.04.2023 / 08:12
Fota: Wikimedia Commons
U červieni 2023 hoda ŭ niekalkich haradach Irłandyi projdzie čatyrochdzionny kansultatyŭny forum, pryśviečany mižnarodnaj palitycy i biaśpiecy, na jakim hramadzianie, u pryvatnaści, zmohuć vykazać svajo mierkavańnie adnosna niejtralitetu krainy.
Ministr zamiežnych spraŭ Irłandyi Michoł Marcin, anansujučy forum, zajaviŭ, što krainie nieabchodna reahavać na novuju realnaść.
U forumie prymuć udzieł ekśpierty ŭ halinie mižnarodnaj palityki i abarony, navukoŭcy i pradstaŭniki hramadzianskaj supolnaści. Pa vyniku forumu niezaležny staršynia składzie spravazdaču, jakaja laža ŭ asnovu rekamiendacyj uradu.
Čytajcie taksama:
Finlandyja ŭ NATA: voś čamu heta źmianiaje bałans siłaŭ i vakoł Biełarusi
Šviecyja moža ŭstupić u NATA ŭžo da lipienia — Stołtenbierh
Sandu: Małdovu abaraniaje nie niejtralitet, a armija Ukrainy