Śviatłana Cichanoŭskaja pavinšavała biełarusaŭ, jakija siońnia śviatkujuć Vialikdzień
Vialikdzień — heta śviata, kali siemji źbirajucca razam. Ciapier šmat siemjaŭ, jakija režym padzialiŭ. Siamja lidarki biełaruskaj apazicyi Śviatłany Cichanoŭskaj — z takich, jaje muž Siarhiej znachodzicca za kratami.
09.04.2023 / 12:06
Siemji padzialilisia, bo mama ci tata, syn ci dačka za kratami pa palityčnych pryčynach. Siemji padzialilisia, bo babula ci dziadula hladziać televizar, vierać kožnamu słovu i nie chočuć razumieć, što ich piensii źmianšajucca nie praz «brazhat husienic» na Zachadzie, a tamu što režym ustupiŭ u vajnu, kaža Cichanoŭskaja.
«Ale ŭsio ž Vialikdzień musić abjadnoŭvać siemji. Jak abjadnalisia ŭ 2020 hodzie biełarusy, jakija stali adnoj vialikaj siamjoj. I siemji, jakija padzialiŭ režym, taksama abjadnajucca. Ludzi vyjduć z-za krataŭ, a babuli ź dziadulami buduć viedać praŭdu, bo my nie apuścim ruki. Ja zyču kožnaj siamji miru i dabrabytu. Bieražycie siabie i svaich rodnych», — skazała jana.