За тыдзень на мяжы з Беларуссю украінскія вайскоўцы паставілі 6 тысяч процітанкавых мін
У камандаванні Аб'яднаных сіл УС Украіны патлумачылі, што ствараюць супрацьтанкавыя мінныя палі на верагодных шляхах прасоўвання праціўніка ўглыб украінскай тэрыторыі.
09.04.2023 / 18:48
Вайскоўцы нясуць процітанкавыя міны. Фота: фэйсбук-старонка камандавання Аб'яднаных сіл УС Украіны
«Працягваецца нарошчванне сістэмы інжынерных загарод у абласцях, якія мяжуюць з Беларуссю і Расіяй. Ствараюцца супрацьтанкавыя мінныя палі на танкадаступных участках мясцовасці і верагодных шляхах прасоўвання праціўніка ўглыб нашай тэрыторыі, а гэта — дарогі, лясныя палосы, масты, лініі электраперадач і да таго падобнае.
Толькі на гэтым тыдні інжынернымі падраздзяленнямі ўладкаваны некалькі дзясяткаў мінных палёў з выкарыстаннем больш чым 6 тысяч процітанкавых мін. Пракапана больш за 7 тысяч метраў процітанкавых равоў і траншэй», — расказаў камандуючы Аб'яднанымі сіламі УС Украіны генерал-лейтэнант Сяргей Наеў.
Украіна на мяжы з Беларуссю размясціла зенітна-ракетныя комплексы Avenger. Што за яны?