Hramadstva

«Paśla prybyćcia vajskovaabaviazanyja byli ekipiravany». Minabarony adkazała na skarhi, što mužčyn z Brestčyny zabirajuć na zbory, nie daŭšy sabracca

Na minułym tydni ŭ mnohich haradach i rajonach Bresckaj vobłaści miascovych mužčyn-vajskovaabaviazanych u aŭralnym režymie zabirali na zbory, prytym, pavodle šmatlikich śviedčańniaŭ, mnohim nie davali navat uziać nieabchodnyja rečy. Minabarony adreahavała na hetyja skarhi.

Fota ilustracyjnaje

Śpiešna zabranych «partyzan» adpraŭlali ŭ 11-ju asobnuju hvardziejskuju miechanizavanuju bryhadu, dysłakavanuju ŭ Słonimie. Jak zapeŭniŭ namieśnik kamandzira bryhady pa tyle pałkoŭnik Dziamjan Jaščuk, «paśla prybyćcia vajskovaabaviazanyja byli ekipiravany».

«Paśla prybyćcia im vydadzieny pradmiety rečavaj majomaści pieršaj katehoryi, ciepłaizalacyjnyja dyvanki, spalnyja miaški, — zajaviŭ Dziamjan Jaščuk. — Arhanizavana raźmiaščeńnie vajskovaabaviazanych u kazarmach, spartzale, navučalnym korpusie, kłubie. Charčujucca jany ŭ dźviuch stałovych RUP TPU pry Ministerstvie abarony».

Pa słovach aficera, stvorany ŭ bryhadzie zapas dazvalaje rabić płanavy pryjom vajskovaabaviazanych.

Jak adznačaŭ raniej vajskovy kamisar Łuninieckaha i Hancavickaha rajonaŭ Uładzimir Kachaviec, hetyja zbory majuć praciahnucca da 35 sutak dla ŭkamplektavańnia vajskovaj čaści, jakaja padviarhajecca praviercy.

Čytajcie taksama:

Sachaščyk: KDB rychtuje pravakacyi na zachodniaj i paŭdniovaj miežach Biełarusi

«Ja nie viedaju, ale, chutčej za ŭsio, chłusiać». U vajenkamatach Bresckaj vobłaści tłumačać, čamu mužčyn aŭralna zabirajuć na zbory

U Bresckaj vobłaści mužčyn masava zabirajuć na zbory, mohuć padniać z łožka

Kamientary da artykuła