Aŭstryjski prychilnik Łukašenki pajšoŭ u adstaŭku praz fota ŭ formie NKVD
Hałoŭny sacyjał-demakrat (SPÖ) David Stokinhier ź fiederalnaj ziamli Nižniaja Aŭstryja ŭ paniadziełak dniom padaŭ u adstaŭku, havorycca ŭ paviedamleńni Sacyjał-demakratyčnaj partyi Aŭstryi.
10.04.2023 / 19:35
Adstaŭcy papiaredničała publikacyja skandalnaj fatahrafii, dzie palityk paziruje ŭ formie NKVD, piša Reform.by.
SPÖ Nižniaj Aŭstryi padtrymała rašeńnie svajho lidara. Funkcyi Stokinhiera zaraz voźmuć na siabie jaho namieśniki. SPÖ Schwechat paviedamić pra pierajemnika nieadkładna i paśla kansultacyj u kamitetach.
Pavodziny Stokinhiera i raniej vyklikali skandały. U 2020 hodzie paśla vystupleńnia na BT, padčas jakoha jon faktyčna padtrymaŭ karnyja dziejańni režymu Łukašenki pa padaŭleńni mirnych pratestaŭ, jamu daviałosia syści z pasady vice-prezidenta Aŭstryjska-biełaruskaha tavarystva (ÖWG).
Alaksiej Dziermant jeździŭ u Aŭstryju ŭ 2019 hodzie i mieŭ tam sustrečy ź miascovymi parłamientaryjami na zaprašeńnie Davida Stokinhiera. Fota: ÖWG
Sam palityk nieadnarazova byvaŭ u Biełarusi, a Aŭstryjska-biełaruskaje tavarystva ciesna supracoŭničała z pradstaŭnikami biełaruskaha režymu. Pa zaprašeńni arhanizacyi ŭ Aŭstryju pryjazdžali vysokapastaŭlenyja členy BRSM, dziaržaŭnyja prapahandysty i inšyja pradstaŭniki Alaksandra Łukašenki.